SALTA ES WICHÍ Marcha Histórica de los Pueblos Originarios el 16 de noviembre

Compartir este artículo

DESDE SANTA VICTORIA ESTE A Salta Capital, por 200 años de abandono, olvido y crímenes, Marcha por los derechos de los Pueblos Originarios de Salta por una » Mesa de Diálogo YA con Sáenz «. «Unión Autónoma de Comunidades del Pilcomayo».

Histórica marcha de unidad de pueblos originarios de Salta 
oyenlhi owekiaj ta talhetsi ta olhaihutej,wek otalho chik 16 iwelana, olhamelh owotesa olhamel oluniaj otaschencha wet o’utwek ilhok wichi ta ihi lhipey ta otiyaj salta ,ta otuke olhamelh onitien
okha mañey ta olawu’uy.
Talhe nekcha ta 528 ta ahatay ta talhe ta nailanen tapta khamaj olhamel ot’uke owekyhajay yhamtilak olhoke owet ta is.
Olhamelh oyhiken tsi owenit’a nochotyajay ta talhe niyhatey chik itetsan olhamelh, i’ane tinayaj ta
inalit imak ta matche ta ihi tajna’ tsi wuj natses ta ñinen wet inat ta ni’isa,wet honat ta nosonamejen
wet nop’o wet tok noyha’in wet cuyculhayis ilhanno’en wet hi’ichea pej chi olhamelh oha’ ta papelis ta o’dpe’en la peslheley ta owichi, wet olhamelh otu’ke imak ta oissej ,tapta onitienen
olhamel oha’ wet yamtilak niyhatey icha’unoyhe wet tuke imak ta o’sej.
Yhajne nilhok honatil ta itetsan nochumiajay ta talhe UNESCO ta itetsan hnat’il wet lhachumiajay talhe convenio 169 ta naitetsanen ta nilhok lhipey ta t’uke wet iwola’ayha ta na wichi, olhamelh niyhatey iwatlhak iwo lha’ayha. Wet taj’e lha’a 26.160 ta yhame honat wet iwatlak matche ta la’aihi’ wet noyachaj name’en honat ta lhawet.
Tapta yhame niyhatey ta ihi nilhokej, tapta tok iwolha’ayha, hapta tamenej ta holhamelh oyhame imak ta owotesa wet ot’uke mak ta niyhatey iwen’namomche. Hapta yhame imak na’ chik 16 ta iwelana’,olhamelh ta owichi, oyikenla’ chik ot’ascha ta otiyhaj Salta, ta o’tuke imak ta olhamts elh
owatla, wet ot’uke chik oyhame wok oyhamejlhi wet oyhamoplhiniyhatey. Hapta ta tamenej ta ot’uke olhamelh ochumtes…


* owatlak iche wichi chik itetsan mak ta nocho’otyhaj ta talhe hamelh ochumiajhay, tsi olhamelh
olhañi wenalhamej wet hapta ot’alhe niyat chik ich’otnoyhe’en’ ta iyhain thinayhajay.
* olhamelh owatla o’isyhaj chik talhe ochumiajhay wet is chik niyhat itatkhana nochumtes khachawos wet, notatkhana’ wichi ta ihi honatna yhamtilak ich’ote olhamelh ta o’aniyhejtna ahatay
lhamtes wet ischik nowo equipaya kachawetes wet no’is ta yik wichi ta nichuweta.
* inat ta olhamelh owatla chi ihi’ honatil.
* honat lha’is ta nochumtes la’is .
* honat’ ta ot’alhe niyhatey wet ot’alhe niyhatey ta yhokes wichi ta ihi’ honat.
* ot’alhe chik nat’uyhe honat tsi talhetsi’ wet yhaje lha’usey wet lhalak wet lhakachalh ta talho lhawet.
* noyha’in nayij ta iche’en lhipey wet noyha’inla’ halay ta noyhisten wet nowom wet nop’o’ wet
ot’alhe niyhatey ta itetsan tañi, ta yhame 333 wet 25.675 wet 25.831 ta nayhejo chik nolan tañi.
* noyha’in wet not’uyhe tewok, tsi hapta talhe nolhak.
* not’ahlha papelis ta tiyhaje wichi ta niwena ta ihi’ honail.
* nowola’ayha nochumiajhay ta talhe olhamelh
* nolhak ta not’alhe niyhatey, nolhak ta is wet not’alhoplhi thinayhaj laney.
* wuj chinajtaj ta talhetsi ta tiyhajhe wichi ta ihi’ honatna’ ta lhey Salta, ischik matche ta tiyhajhe  olhamelh wet is chik noyha’inla.
* notalhe’ cuyculis khaniyhatey chik iwolaweta olhamelh ta owichi, wet nowolaweta wichi ta itetsan imañey ta ni’isa wet nowola’ayha noi’aj ta tan’ay hap ta nowolawosa.
* not’alhe chik noneñetpa’ wichi chumet wet ta lhey I.P.P.I.S yhamtilak yhachajo’ ta noneñetpa. Tsi
olhamelh olawu’uy.
* ot’alhe nochujuaniaj wetes chik ihiche lhipey ta tojhe, yhamtilak is nochujuaniaj.
* ot’alhe cuycu lhayis chik tuyhe olhamelh wet iya’inla ta nowom hates’ wet khacha ta noweno
natses tsi olhamelh ochumiajhita’ imaktso’ wet ilan wichi lhes wok olhamelh.
* ot’alhe’ niyhatey chik iyha’inla wichi ta notische ta tiyhajhe CORREO, tsi iche wichi ta yhinen
wet khamaj notische wet taj’ohota’ lawet ta notische.
18- * not’alhe chik nopoweta wchi wetes tsi tewok ichetulhpa wet ischik wichi ta yha’anej
nochumetso, tsi,talhe ta nolan tañi.

Hiche wichi ta iyhej imak na wet tach’ote’ .

https://www.facebook.com/Uni%C3%B3n-Aut%C3%B3noma-de-Comunidades-originarias-del-Pilcomayo-107958931115268


Compartir este artículo

Deja una respuesta

Tu dirección de correo electrónico no será publicada. Los campos obligatorios están marcados con *